Entries for July, 2006

July 22nd, 2006

Si Loko loko

Si Loko Loko

 

Palagi nalang akong niloloko
inaasar, kinukulit,
pinangingiti, pinapatawa
sa mga patok na hirit
 
Nakakahawa ang kanyang tawa
Komedya ang ma-ala demonyong ngiti
Nakakatuwa ang kanyang charisma
Sa ligaya’t aliw, siya’y magawi

 


Unti unti kong nakilala si Loko loko
At nalaman ang nakatagong anyo
Nagmamay-ari ng isang ginintuang puso
Talagang isang tunay na henyo

 


Isang huwaran sa sangkatauhan
Puno ng pagmamahal ang puso
Di para lamang sa kanyang sarili,
kundi para sa kapakanan ibang tao
 
Siya rin pala ay isang seryosong tao
Responsible,maka- Diyos sa kabila ng haha at hoho
marunong siyang maging totoo
sa kawpa niya, siya'y simpatico

 


Habang tumatagal ang panahon
Patuloy pa rin si Loko loko
Mag tanim ng ngiti’t saya sa mga tao
Maging bata, matanda, mapayat, mataba
Mahirap, mayaman, matalino, bobo

 


Sa aking pag-titig sa kanya pa lamang
Ako’y nabibighani at napapangiti
Gumagaan ang aking loob
Nawala ang paghati

 


Tuwing di ko siya kasama
Hinahanap ko ang kanyang tinig
Di ko malaman ang aking nadarama
Ito na ba ay pag-ibig?

 


Eto talagang si Loko loko
Nilito pa ang nananahimik na buhay ko
Ako’y nawala  bigla sa tono
Hindi tama ang damdaming tumutubo

 


Bakit di ko nakitang ito’y darating?
Di ko natanto ang may anghel na parating?
Di  nakapaghanda sa emosyong ito

 

Ngayon din na makatulong ng mahimbing

 

Suko na ako sa hidwaan ng damdamin

Di mapigil na nais siyang makapiling

Sana’y ganun rin ang nadarama niya para sa akin

Balang araw, siya sana ang aking giliwin

Walang siyang katiting na ideya
Na mahal na mahal ko na siya
Loko loko, aaminin ako na ang aking lihim
Para sayo, ako’y nagkanda-loka loka na rin

 

Posted by poetindisguise at 09:45 PM | Add a Comment
« 2006/06 | 2006/08 »